वाइसिएललाई खारेज गर्न माधवकुमार नेपाल को सूजाब

नेकपा एमालेका महासचिव माधवकुमार नेपालले नेकपा माओवादीको भातृसंगठन योङ कम्युनिष्ट लिग (वाइसिएल) खारेज हुनुपर्ने बताउनुभएको छ । १२ मंसिरमा वाइसिएलबाट अपहरणपछि कुटपिट गरिएका नोबेल एकेडेमी र कलेजका संचालकहरु र पेशाकर्मीसंगको उहांले उक्त कुरा बताउनुभएको हो।


'वाइसिएल जंगली रुपमा प्रस्तुत हुनेक्रम जारी रहेको छ,' नेपालले भन्नुभयो,'माओवादीले आफनो हित चाहेको हो भने वाइसिएल खारेज गरोस् ।' माओवादी अध्यक्ष प्रचण्डसंग पनि वाइसिएलका गतिविधिबारे कुरा गरेको बताउदै वाइसिएलका गतिविधि सुधार्ने प्रतिवद्धता व्यक्त गर्नुभएको बताउनुभयो । अपहरण, कुटपिट, चन्दा अशुली देखि हत्याका घटनामा पनि वाइसिएल संलग्न हुनुले माओवादीलाई नै घाटा परेको उहांको भनाई थियो । २ मंसिरमा नोबेल मेडिकल कलेज र नोबेल एकेडेमीका प्रबन्ध निर्देशन नवराज पाण्डे तथा अध्यक्ष डा.ज्ञानेन्द्र गिरीलगायत संचालकहरु आदित्य खनाल, उमेश पाण्डे र जनक रिजाललाई वाइसिएलको प्रयोग गरी अपहरण पश्चात कुटपिट गरिएको थियो