जनताको नामको खाद्यान्न नेपाल प्रहरीलाई

मुगु, १५ मङ्सिर । कर्णाली अञ्चलका पाँच जिल्ला तथा अधिकांश पहाडी जिल्लामा माओवादी युद्धताका नेपाल खाद्य संस्थानका डिपोमा जनताका नाममा पुग्ने खाद्यान्न नेपाल प्रहरीलाई दिने गरिएको व्यवस्था हालसम्म पनि यथावत् छ । सङ्कटकालमा सरकारले नेपाल प्रहरीलाई खाद्य संस्थानबाट खाद्यान्न पाउने गरी जनताको नाममा आउने चामलबाटै कटौती गरी खाद्यान्न उपलब्ध गराउने व्यवस्था गरेको थियो ।मुगु जिल्लाभरमा २१५ प्रहरी कार्यरत छन् । खाद्य संस्थानले प्रतिजवान मासिक १८ किलोका दरले चामल दिन्छ, यसबाट एक वर्षा ४३४ क्विन्टल चामल प्रहरीलाई जान्छ । यसरी चामल जाँदा र्सवसाधारण जनताको कोटामा कटौती गरिन्छ र जनता कम चामल पाउँछन्- नेपाल खाद्य संस्थान मुगुका प्रमुख धु्रवराज ज्ञवाली बताउनुहुन्छ । सशस्त्र द्वन्द्वको समयमा रासन ढुवानीमा कठिनाइ भएकामा अब देशमा शान्ति भइसकेकाले प्रहरीको लागि ठेकेदारले रासन खुवाउने व्यवस्था गरिनुपर्ने जनताको माग छ । यसका लागि मन्त्रिपरिषद्ले पुरानो निर्णयबदर गरी जनताका नाममा आएको खाद्यान्न अब जनताले नै पाउनुपर्छ - नेपाली काङ्ग्रेसका युवा नेता खगेन्द्र मल्ल र नेकपा -माओवादी जिल्ला सचिव मङ्गलबहादुर शाही बताउनुहुन्छ