सात लुटेरा पक्राउ

मङ्सिर ९ गते राजधानीमा बैंक लुटनेमध्ये ७ जनालाई प्रहरीले सार्वजनिक गरेको छ । मङ्सिर १० गते प्रहरीले सार्वजनिक गरेकामा मोहन घतानी, लालबहादुर तमाङ, पशुपति बराल, कमल थापा, मुकुन्द कार्की, नवराज रिजाल, गजेन्द्र खड्का छन् । तर, हिजो फेला परेको २३ लाख ४१ हजार ८०० रुपैयाँभन्दा बढी पैसा भने पछि समातिएकाहरुबाट नपाइएको प्रहरीले बतायो । हिजै प्रहरीले चार जनालाई पक्राउ गरिसकेको थियो । राजधानीको कमलादीस्थित बैंक अफ काठमाडौंबाट हिजो २ करोड ११ लाख ८८ हजार ९२२ हजार रुपैयाँ लुटिएको थियो ।

पक्राउ परेका लुटेराहरु सार्वजनिक गर्ने क्रममा काठमाडौ प्रहरी प्रमुख सर्वेन्द्र खनालले मोहन घतानी लुटेराहरुको प्रमुख रहेको बताए । उनका अनुसार, लुटेराहरुको समूहका अन्य चार जना भने अझै फरार छन् । लुटेराहरुमध्ये केही पेशेवर तथा केही सिकारु रहेको प्रहरीले बताएको छ । लुटेराहरुमध्ये मोहन घतानी ४५ वर्षका, कमल थापा ४९ वर्षका र अरु ३० वर्षन्दा कम उमेरका छन् ।