विराटनगरमा गोली चल्यो, एकको मृत्यु

आज मध्यान्ह विराटनगरको व्यस्त गुद्री बजारमा गोलि चल्दा एकजनाको मृत्यु भएको छ भने एक घाइते भएका छन् । मृत्यु हुनेमा विराटनगर १४ का पवन श्रेष्ठ छन् । घाइते पप्पु मगरको कोशी अञ्चल अस्पताल विराटनगरमा उपचार भइरहेको छ । केही दिन अगाडी देखि भएको चोरीको विवादलाई लिएर विराटनगर १४ का रोशन साह र कामत भगत, विश्वनाथ भगत, पशुपति भगत लगायतका समुहवीच ग्याङ फाइट हुदा गोलि चलेको प्रहरी उपरिक्षक योगेन्द्र कटुवालले बताउनुभयो । कटुवालका अनुसार भगत पक्षधरहरुले रोशन साहलाई चोरको अभियोग लगाई केही दिन अघि प्रहरीमा छलफल गरेको र त्यहा भएको मिलापत्रमा चित्त नबुझेपछि आज फेरी आपसमा झगडा हुदा गोलि चलेको हो । गोलि कसले चलायो भन्ने खुलेको छैन । गोलि लागी मृत्यु भएका र घाइते भने झगडा छुट्याउनका लागि पुगेको प्रहरीले जनाएको छ । दुई पक्षवीच ढुंङ्गा हानाहान र कुटाकुट हुन थालेपछि एक्कासी गोलि चलेको प्रहरीले बताए । यसैवीच बिराटनगर वसपार्कमा आज बिहान वम बिष्फोट हुँदा एक वालक घाइते भएका छन् । वेवारिसे अबस्थामा रहेको वम बिष्फोट हुँदा स्थानिय इन्द्र श्रेष्ठका छोरा भेषु श्रेष्ठ घाइते भएका छन् । बिष्फोट र गोली हानाहान पछि अहिले बिराटनगर वजार तनावग्रस्त रहेको छ ।