१०७ गाविस सचिवद्वारा सामुहिक राजिनामा

शान्ति सुरक्षाको प्रत्याभुतीको माग गर्दै नेपालको सबै भन्दा धेरै गाबिस रहेको सप्तरी जिल्लाका १०७ गाविस सचिवहरुले आज सामुहिक राजिना दिएका छन् ।
शान्ति सुरक्षाको माग गर्दै तराईमा निजामति कर्मचारीहरुले धमाधम राजिना दिई रहेका वेला सप्तरीका गाविस सचिवहरुले पनि सामुहिक राजिनामा दिएका हुन । जिल्लाका ११४ गाविस सचिव मध्ये १०७ जनाले स्थानिय बिकस अधिकारी दिनेश चापागाँई समक्ष सामुहिक राजिनामा पत्र बुझाएका छन् ।

यसअघि वाराका ९१ गाविस सचिव हरुले शान्ति सुरक्षाको कारण देखाउदै ४ दिन अघि राजिनामा दिएका थिए भने सर्लाहीका ९९ गाविस सचिवले यस अघिनै राजिना दिई सकेका छन् ।