'गणतन्त्र कार्यन्वयन गरे चुनाव हुदैन' ''रामशरण महत''

नेपाली कांग्रेसका नेता तथा अर्थमन्त्री डा. रामशरण महतले संविधानसभाको पहिलो बैठकबाट अनुमोदन तथा कार्यन्वयन गर्ने गरी संसदबाट गणतन्त्रको संकल्प प्रस्ताव पारित गर्नेमा आफ्नो दल सहमत हुने बताएका छन् । राजनीतिक सहमतिका लागि मङ्सिर १५ गते दिउँसो दलहरुबीच छलफल हुनु केही अघि राजधानीमा रिपोर्टस क्लबले आयोजना गरेको कार्यक्रममा बोल्दै मन्त्री महतले अहिल्यै गणतन्त्र घोषणा र कार्यन्वयन गर्ने भन्ने कुराले संविधानसभाको चुनाव नहुने तथा गणतन्त्र पनि नआउने उल्लेख गरे । आफ्नो दलले नयाँ अडान नलिएको र आफनो दलको अडान आठ दलको सहमति नै भएको पनि महतको बिचार थियो ।
कार्यक्रमका अर्का वक्ता एमाले स्थायी समिति सदस्य भरतमोहन अधिकारीले आज हुने छलफलले सहमति निकाल्नेमा आशा गर्न सकिने बताए । तर, माओवादी संविधानसभा चुनावमा भाग लिनेमा आफूलाई अझै शंका रहेको अधिकारीको भनाइ थियो । 'माओवादी अध्यक्ष प्रचण्डले चुनावमा माओवादी जादैन भन्ने शंकै नगर्न आग्रह गरे पनि शंका मेटिएको छैन ।' अधिकारीको भनाइ थियो